“(Allah yolunda, haqq uğrunda) cihad edən ancaq özü üçün cihad edər (cihadın savabı onun özünə yetişər)” (“əl-Ənkəbut”,6),

“(Allahın düşmənlərinə qarşı) döyüş (cihad) xoşunuza gəlmədiyi halda, sizə vacib edildi.Bəzən xoşlamadığınız bir şey sizin üçün xeyirli, bəzən də xoşladığınız bir şey sizin üçün zərərli ola bilər.(Onu) Allah bilir, siz bilməzsiniz” (“əl-Bəqərə”,216).

“Allah yolunda vuruşun və bilin ki, Allah eşidəndir, biləndir” (“əl-Bəqərə”,244).

“Allaha və Onun Peyğəmbərinə sadiq qalmaq (heç bir pisliyə meyl etməmək) şərtilə, acizlərə (qocalara və anadan gəlmə zəiflərə), xəstələtə və (cihad yolunda) sərf etməyə bir şey tapa bilməyənlərə (cihadda öz xərcini təmin etməyə qadir olmayanlara döyüşə getməməkdə) heç bir günah yoxdur” (“ət-Tövbə”,91).

Həzrəti Peyğəmbər (s) buyurmuşdur:

“Rəbbinin nəzərində heç bir damla Allah yolunda tökülən bir qətrə qandan əziz deyildir” (“Vəsailüş-şiə”/15/14).

“Bir şey də var ki, Allahın o səbəblə qulun cənnətdəki məqamını 100 dərəcə yüksəldər. Bu dərəcələrdən ikisi arasındakı uzaqlıq səma ilə ərz arasındakı məsafə qədərdir. Səhabə, “Bu nədir ki?” deyə soruşdu. Peyğəmbər (s), “Allah yolunda cihad!” dedi” (“Müslim”, 1884).

“Hər bir yaxşılıqdan üstün bir yaxşılıq da vardır, amma bir adam əziz və cəlil Allahın yolunda öldürülsə şəhidlik məqamına çatar və ondan yüksək və üstün heç bir yaxşılıq yoxdur” (“Biharul-ənvar”, /100/10).

“Şəhidin borcdan başqa bütün günahları bağışlanar” (“Müslim”-İmarət, 118).

“Cənnətə girən heç kim dünyaya geri dönmək istəməz, yer üzündə olan hər şey orada vardır. Ancaq şəhid yox. O, qazandığı mükafat səbəbiylə dünyaya qayıdıb on dəfə şəhid olmaq istər” (“əl-Buxari”-Cihad ,5, 21).